þri 06. júní 2023 11:12
Guðmundur Aðalsteinn Ásgeirsson
Albert mættur eftir árs fjarveru - Hareide ræddi við landa sinn um hann
Icelandair
Albert Guðmundsson.
Albert Guðmundsson.
Mynd: Fótbolti.net - Hafliði Breiðfjörð
Albert Guðmundsson er í fyrsta landsliðshópi Age Hareide sem var tilkynntur núna rétt í þessu.

Þetta er í fyrsta sinn síðan í júní á síðasta ári þar sem Albert er valinn í hópinn.

Hareide, sem tók við stjórn íslenska liðsins fyrr á þessu ári, gaf það út fyrir nokkrum vikum að Albert yrði í sínum fyrsta hóp og hann stóð við það.

„Albert hefur átt gott tímabil með Genoa og ég hef fylgst vel með honum á WyScout," sagði Hareide á fundinum í dag.

Hann sagði jafnframt að hann hefði rætt við leikmenn sem hefðu spilað með Genoa um Albert, þar á meðal landa sinn Leo Ostigard sem leikur núna með Napoli. „Hvað varðar tæknilega getu þá er hann líklega besti leikmaður liðsins," sagði Hareide á fundinum og verður fróðlegt að sjá í hvaða hlutverki Albert verði í komandi verkefni gegn Slóvakíu og Portúgal. Albert hefur ekki náð að springa út með landsliðinu enn sem komið er en þetta gæti verið nýtt upphaf fyrir hann.

Sjá einnig:
Landsliðshópurinn - Kristian Hlynsson valinn
Athugasemdir
banner
banner
banner
banner