„Mér líður mjög vel að hafa unnið, alltaf gaman. Sigurinn nærir.“ sagði Sigurvin Ólafsson, þjálfari Þróttar, eftir 4-1 sigur Þróttara á Dalvíkingum í Laugardalnum í dag.
Lestu um leikinn: Þróttur R. 4 - 1 Dalvík/Reynir
Sigurvin var ánægður með leik sinna manna í dag.
„Er ekki talað um leik tveggja hálfleika. Mér fannst við bara betri í báðum. Stundum er þetta bara þolinmæðisvinna. Það er erfitt að vinna þetta lið.“
Það var sól og blíða í Laugardalnum í dag og toppaðstæður fyrir knattspyrnuiðkun.
„Þetta var draumur. Ég veit nú ekki hvernig Englandsleikurinn fór en ég skil alveg að það var ekki full stúka. En stuðningurinn var frábær hjá þeim sem mættu. Þeir voru háværir þó þeir voru fáir. Vonandi ýtir það undir að ennþá fleiri komi á leikina.“
Eftir erfiða byrjun hjá Þrótturum í Laugardalnum hafa þeir núna unnið tvo leiki í röð.
„Við höfum breytt aðeins til innanhús. Þetta snýst líka stundum um að finna rétta blöndu. Þegar maður vinnur leik ýtir það líka stunudum undir sjálfstraustið. Spilamennskan hefur almennt verið allt í lagi. Það sem hefur vantað er að ná í punktana og það hefur gengið vel í seinustu tveimur leikjum.“
Sigurvin segir að staðan á hópnum sé góð og að það sé mikil tilhlökkun fyrir næsta leik sem er gegn ÍBV.
„Það meiddist engin í dag og mér líst mjög vel á leikinn við ÍBV. Hópurinn er þéttur og engin stór vandamál.“
Viðtalið við Sigurvin má sjá í heild sinni í spilaranum hér að ofan.