Brendan Rodgers
Brendan Rodgers, stjóri Leicester, fær að minnsta kosti 10 milljónir punda ef hann verður rekinn frá félaginu. Leiceter hefur ekki byrjað tímabil jafn illa í 39 ár, liðið er með eitt stig eftir sex fyrstu umferðirnar - á botni ensku úrvalsdeildarinnar.
Framtíð Rodgers er sögð í uppnámi en hann á þrjú ár eftir af samningi sínum við félagið. Hann skrifaði undir nýjan samning í desember 2019 og varð þá launahæsti stjóri í sögu félagsins.
Daily Mail kveðst hafa heimildir fyrir því að ef Rodgers verður rekinn þurfi Leicester að greiða honum dágóða summu.
Rodgers er ósáttur við að félagið náði ekki í fleiri leikmenn í glugganum. Einu leikmennirnir sem komu inn voru varnarmaðurinn Wout Faes (15 milljónir punda) og markvörðurinn Alex Smithies (frjálsri sölu). Félagið seldi Wesley Fofana til Chelsea fyrir um fimm sinnum hærri upphæð en félagið greiddi fyrir Faes.
Sjá einnig:
Ummæli Rodgers eftir tapið gegn Brighton: Það er engin töfralausn
Rætt var um Rodgers og slæma byrjun Leicester í Enska boltanum þar sem sjötta umferðin var gerð upp. Hægt er að hlusta á umræðuna í spilaranum hér að neðan.
„Ég veit ekki hvort Rodgers labbi í burtu eða bíði eftir því að fá sparkið, fá samninginn borgaðan. Ég held að það sé erfitt að vinna í þessu umhverfi, ert alltaf að búa eitthvað til en svo missiru bestu gæjana þína og færð ekkert inn á móti. Maður veit ekki hvaða leikmenn nenna að vera þarna og hverjir ekki," sagði Aksentije Milisic í þættinum. Umræða hefur verið um að Youri Tielemans og James Maddison hefðu viljað fara í sumar en ekki kom nægilega gott tilboð í miðjumennina.
„Ég geri mér ekki alveg grein fyrir því hvort Rodgers verði rekinn eða ekki, hvort þeir ætla að treysta honum þar sem hann hefur gert góða hluti. Þetta er orðið helvíti súrt en ég held að þeir falli ekki. Þeir eru með of góða einstaklinga til þess, þetta lið á aldrei að falla ef þessir gæjar nenna þessu," sagði Aksentije
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
