FIFA hefur opinberað boltann sem leikið verður með í lokakeppni HM 2026.
Boltinn ber nafnið Trionda og er það tilvísun til þess að keppnin er leikin í þremur löndum (TRI) og er einnig tilvísun í "bylgjuna" frægu (ONDA) sem sást fyrst á stórmóti í fótbolta á HM í Mexíkó 1986 og er stundum kölluð "mexíkóska bylgjan".
Bandaríkin, Kanada og Mexíkó halda mótið næsta sumar en Bandaríkin verða með 78 af 104 leikjum, þar á meðal úrslitaleikinn.
Ísland vonast til að taka þátt í þessari veislu en liðið er að fara að mæta Úkraínu og Frakklandi á Laugardalsvelli. Fyrst er það Úkraína 10. október og síðan Frakkland 13. október. Uppselt er á báða leikina.
Eitt af lukkudýrum mótsins með boltann.
Landslið karla - HM 2026
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 2 | 2 | 0 | 0 | 4 - 1 | +3 | 6 |
| 2. Ísland | 2 | 1 | 0 | 1 | 6 - 2 | +4 | 3 |
| 3. Úkraína | 2 | 0 | 1 | 1 | 1 - 3 | -2 | 1 |
| 4. Aserbaísjan | 2 | 0 | 1 | 1 | 1 - 6 | -5 | 1 |
Athugasemdir
