Fótbolti.net

Elmar Atli sár og svekktur: Að taka þessa ákvörðun í þessari stöðu er óskiljanlegt

Var afskaplega drjúgur fyrir KR í úrslitaleikjunum - „Rosa spenntur fyrir næsta tímabili"

Luke Rae um hasarinn: Það var ekkert alvarlegt

Eiði Aroni fannst liðið gefast upp - „Ekki sjón að sjá okkur eftir bikartitilinn"

Tilfinningarnar báru Hrannar ofurliði

Óskar Hrafn: Skrifað í skýin að við fengjum þetta verkefni til að leysa

Björn Daníel: Ég er hættur að spila

Rúnar: Það mun vera í sögubókunum

Maggi: Opinn fyrir því að halda áfram

Lárus Orri: Ég vissi að það væri verið að gera góða hluti hérna á Akranesi

Heimir kveður FH: Frábært að enda þetta með honum

Jón Þór: Alltof stór atvik í íslenskum fótbolta sem dómarastéttin er að klúðra

Ósáttur með hvernig ÍBV kláraði mótið - „Ákveðin vanvirðing“

Haddi: Okkur þyrstir að vera þar

Láki: Ákveðið að flýta þessum leik svo Haddi og KA-menn geti fengið sér snemma í kvöld

Sá efnilegasti 2025: Við í Vestra þekkjum að spila leiki þar sem allt er undir

Diljá um óvenjulegu bekkjaraðstöðuna - „Þetta var skrítið“

Sveindís: Veit ekki hvað þær voru að reyna taka úr þessum leik

Glódís Perla: Styrkleiki sem við höfum alltaf haft

Karólína: Þarf að drífa mig inn að fagna

lau 25. október 2025 16:24

Brynjar Ingi Erluson

Ósáttur með hvernig ÍBV kláraði mótið - „Ákveðin vanvirðing“

Sigurður Arnar Magnússon

Mynd: Fótbolti.net - Hafliði Breiðfjörð

Sigurður Arnar Magnússon, leikmaður ÍBV, var allt annað en sáttur með hvernig Eyjamenn kláruðu Íslandsmótið, en hann ræddi við Fótbolta.net eftir lokaumferðina í dag.

Lestu um leikinn: ÍBV 3 - 4 KA

Eyjamenn björguðu sér frá falli fyrir nokkrum vikum en Sigurður Arnar segir frammistöðuna ekki boðlega síðan.

Í dag gat liðið unnið Forsetabikarinn eftirsótta er það mætti KA á Hásteinsvelli, en þar töpuðu Eyjamenn 4-3 og fór því svo að KA tók bikarinn þriðja árið í röð.

„Pirraður yfir því sem við látum gerast inn á vellinum. Mér finnst þetta ákveðin vanvirðing hvernig við enduðum þennan leik og sem ÍBV-ari er ég fúll yfir því.“

„Eins og þú segir eins og æfing. Þetta er ekki boðlegt og óþolandi að menn fari út á völl og leggja sig ekki fram. Það eru menn fyrir utan sem væru mjög til í að vera inn á og leggja sig fram. Pirrandi að við skulum ekki klára leikinn almennilega og mæta betur stemmdir.“

„Það er hægt að horfa á þessa síðustu þrjá leiki eftir að við vorum öruggir þá kom bara karakterleysi að mæta ekki almennilega í þessa þrjá leiki hvort sem þetta séu leikir sem skipta engu máli eða sé æfinga eða ekki. Bara fara út á völl og vilja vinna,“ sagði Sigurður Arnar við Fótbolta.net.

Hann skoraði laglegt mark fyrir Eyjamenn í leiknum, en það mark skipti hann litlu enda tókst liðinu ekki að taka sigurinn.

„Það er leiðinlegt að skora í tapleikjum þá nær maður ekki að njóta þess. Jújú fínt mark en það gefur rosalega lítið.“

Hann segist ánægður með að liðið hafi haldið sér uppi, en sé með óbragð í munni yfir lokakaflanum.

„Eðlileg spá í byrjun móts hvernig við vorum á undirbúningstímabilinu. Við vorum lélegir fram að síðasta leik fyrir mót, en síðan smellur þetta saman á mótinu og komum af krafti inn. Láki á að fá það credit sem hann á skilið og búinn að gera ótrúlega hluti með þetta lið. Lendir í áföllum og allir þekkja þá sögu og nær að koma liðinu aftur í gang og gerir ótrúlega hluti. Við erum á góði róli en svo fær maður óbragð eftir tímabilið að enda þetta svona á þessum þremur leikjum að klára þetta ekki almennilega. Kannski eftir einhvern tíma getur maður horft til baka og verið stoltur af tímabilinu en akkúrat núna er maður svekktur,“

Lokahóf Eyjamanna fer fram í kvöld, en Sigurður ætlar að koma sér í aðeins betri gír fyrir þá skemmtun.

„Ég get ekki verið svona leiðinlegur líka á lokahófinu þannig ég fer heim og set hausinn aðeins í kalda sturtu,“ sagði Sigurður

Lið	L	U	J	T	Mörk	mun	Stig
1. KA	27	11	6	10	45 - 49	-4	39
2. ÍA	27	11	1	15	37 - 50	-13	34
3. ÍBV	27	9	6	12	34 - 37	-3	33
4. KR	27	8	7	12	55 - 62	-7	31
5. Vestri	27	8	5	14	26 - 44	-18	29
6. Afturelding	27	6	9	12	36 - 46	-10	27