Elvar Geir og Tómas Þór opinberuðu sína fyrstu ótímabæru spá fyrir Pepsi Max-deild karla í gær.
Undirbúningstímabilið er byrjað en þessi spá er svo sannarlega ótímabær. „Það eru allir að stíga upp úr Covid-pásum, ansi mikill hringlandaháttur á liðsuppstillingum og svona; menn eru að tjakka sig í gang," sagði Elvar Geir.
„Samt sem áður er hún minna ótímabær en við héldum þegar við vorum farnir að peppa þetta í byrjun janúar. Við höfum séð fótboltaleiki - ekki með berum augum - en á Youtube. Félögin eiga hrós skilið fyrir að sýna frá leikjum sínum," sagði Tómas Þór.
Guðmundur Steinarsson, goðsögn úr efstu deild og núverandi aðstoðarþjálfari Gróttu var með þeim í þættinum.
Hér að neðan má sjá hvernig spáin lítur út. Íslandsmeisturum Vals er spáð efsta sæti og nýliðunum tveimur spáð niður.
Ótímabæra spáin:
1. Valur
2. Breiðablik
3. FH
4. Stjarnan
5. Fylkir
6. KR
7. KA
8. Víkingur
9. HK
10. ÍA
11. Keflavík
12. Leiknir R.
Athugasemdir