Á morgun þriðjudag mætast Lettland og Ísland í undankeppni EM kvenna en leikurinn verður klukkan 17:00 að íslenskum tíma. Íslenska liðið er mun hærra skrifað en það lettneska og stelpurnar okkar eru staðráðnar í að tryggja sér þriðja sigurinn í jafnmörgum leikjum.

Hallbera Guðný Gísladóttir ræddi við Fótbolta.net á hóteli íslenska liðsins en byrjað var á því að tala um 4-0 tapið gegn Frökkum í vináttulandsleik síðasta föstudag.

„Við áttum ekkert sérstaklega góðan leik og mættum ofjörlum okkar. Þær voru miklu betri en við á öllum vígstöðvum. Þetta var erfitt frá fyrstu mínútu," segir Hallbera.

„Ég veit að við getum átt miklu betri leik en við áttum þarna. Þetta er ágætis áminning, það má ekkert gefa eftir því þessar þjóðir eru ekkert að stoppa."

Ísland er að fara í allt öðruvísi verkefni á morgun og Hallbera segir að það sé óhætt að segja að íslenska liðið eigi að taka öll stigin þrjú.

„Við eigum bara að vinna þennan leik. En þær komust yfir gegn Svíþjóð og þær sænsku áttu erfitt með að brjóta þær niður. Það er bara verkefni fyrir okkur að sýna okkar styrkleika, sérstaklega sóknarlega," segir Hallbera.

Sjáðu viðtalið (sem tekið var í gær) í heild sinni í sjónvarpinu hér að ofan.

Tweet

Senda a Facebook Hafdu samband Senda frétt Prenta frétt Frétta leit