07.10.20 - 13:32
Elvar Geir Magnússon
Fátt um svör frá KSÍ - „Öll mál í vinnslu"
Laugardalsvöllur.
Mynd: Fótbolti.net - Hafliði Breiðfjörð
Laugardalsvöllur.
Mynd: Fótbolti.net - Hafliði Breiðfjörð
„Það eru öll mál í vinnslu hjá okkur," segir Klara Bjartmarz, framkvæmdastjóri KSÍ, en framhald Íslandsmótsins í fótbolta hefur verið í lausu lofti að undanförnu.
Í gær var útlit fyrir tveggja vikna íþróttabann en um kvöldið bárust svo upplýsingar um að íþróttir utandyra yrðu leyfðar.
Almannavarnir standa þó við sín tilmæli um að öllu íþróttastarfi á höfuðborgarsvæðinu verði slegið á frest.
Klara varðist allra spurninga þegar Fótbolti.net ræddi við hana í dag og sagði einfaldlega að málin væru í skoðun.
Í gær var útlit fyrir tveggja vikna íþróttabann en um kvöldið bárust svo upplýsingar um að íþróttir utandyra yrðu leyfðar.
Almannavarnir standa þó við sín tilmæli um að öllu íþróttastarfi á höfuðborgarsvæðinu verði slegið á frest.
Klara varðist allra spurninga þegar Fótbolti.net ræddi við hana í dag og sagði einfaldlega að málin væru í skoðun.
Verður leikið á Íslandsmótinu um komandi helgi?
„Það er bara verið að skoða allar hliðar á málinu í heild," segir Klara en samkvæmt dagskrá eiga að vera leikir í Pepsi Max-deild kvenna og neðri deildum karla um helgina.
Fótbolti.net reyndi að ná í ÍSÍ við vinnslu fréttarinnar en tókst ekki.
„Það er bara verið að skoða allar hliðar á málinu í heild," segir Klara en samkvæmt dagskrá eiga að vera leikir í Pepsi Max-deild kvenna og neðri deildum karla um helgina.
Fótbolti.net reyndi að ná í ÍSÍ við vinnslu fréttarinnar en tókst ekki.
