Sandgerðingarnir Helgi Rúnar Hafsteinsson, Sindri Lars Ómarsson og Valur Þór Magnússon hafa allir framlengt við Reyni S út 2025. Þetta kemur fram á heimasíðu félagsins.
Helgi Rúnar er tvítugur miðjumaður sem á sjö deildarleiki með Reyni, þar af sex leiki í sumar.
Sindri Lars er 26 ára gamall bakvörður og verið í lykilhlutverki um árabil. Hann á að baki 169 leiki og 8 mörk í deild- og bikar með Reyni.
Valur Þór er þá tvítugur kantmaður sem á, eins og Helgi Rúnar, sjö leiki að baki í deild með Reyni og gert eitt mark. Hann var að glíma við meiðsli á nýafstaðinni leiktíð og lék því aðeins fjóra leiki.
Reynir féll úr 2. deild í sumar og mun því leika í 3. deild á komandi ári.
Athugasemdir
