Þessi 28 ára gamli leikmaður verður samningslaus í sumar en Juventus, Real Madrid og Paris Saint-Germain hafa bæði sýnt því áhuga á að fá hann á frjálsri sölu.

Enska götublaðið The Sun greindi frá því að United vildi alls ekki missa Pogba og hafi boðið honum 500 þúsund pund í vikulaun sem myndi gera hann að langlaunahæsta leikmanni ensku úrvalsdeildarinnar.

Talsmaður Pogba segir þessar fréttir rangar og að United hafi ekki lagt fram nýtt samningstilboð.

„Bara til að svara fréttum síðustu daga þá hefur Paul ekki fengið nýtt samningstilboð á síðustu mánuðum. Paul er einbeittur á að ná sér að fullu eftir meiðsli með það efst í huga að hjálpa liðinu sem allra fyrst," sagði talsmaður Pogba við Daily Mail.