Cole Campbell velur Bandaríkin fram yfir Ísland (Staðfest)

TENGT EFNI10.11.23 - 15:40

Ísland eða Bandaríkin? - „Stór ákvörðun sem sjálfsagt er ekki auðvelt að taka"

Campbell er nýlega orðinn 18 ára gamall og hefur fengið samþykki hjá FIFA um að skipta úr íslenska landsliðinu yfir í það bandaríska.

Cole, sem er að gera flotta hluti með unglingaliði Borussia Dortmund, var lykilmaður í U17 landsliði Íslands en mun spreyta sig með yngri landsliðum Bandaríkjanna á næstu árum.

Cole er alinn upp í Bandaríkjunum en er með íslenskan ríkisborgararétt. Hann flutti til Íslands árið 2020 og spilaði með FH og Breiðabliki áður en hann gekk í raðir Borussia Dortmund.

Hann er sonur Rakelar Bjarkar Ögmundsdóttur, eða Rakel Karvelsson eins og hún er einnig þekkt, sem var kjörin besta fótboltakona Íslands um aldamótin. Rakel er fædd í Bandaríkjunum en á tvo íslenska foreldra.

Rakel skoraði 7 mörk í 10 A-landsleikjum og raðaði inn mörkunum með Breiðabliki í efstu deild kvenna, en sleit krossband og lagði skóna á hilluna þegar hún var aðeins 25 ára gömul.

Það verður áhugavert að fylgjast með framgangi Cole með bandaríska landsliðinu og Borussia Dortmund á næstu árum.