Sagt að Halldór fylgi Óskari til Breiðabliks

Sagan segir að Halldór Árnason muni fylgja Óskari Hrafni Þorvaldssyni til Breiðabliks.

Fótbolti.net sagði frá því í síðasta mánuði að Óskar yrði ráðinn þjálfari Blika og það var síðan staðfest á laugardaginn.

Óskar kom Gróttu upp um tvær deildir á tveimur árum en hefur nú yfirgefið félagið. Grótta var í viðræðum við Halldór, sem hefur verið aðstoðarmaður Óskars hjá liðinu, um að taka við sem aðalþjálfari.

Hjörvar Hafliðason segir nú á Twitter að hann hafi fengið það staðfest að Halldór muni fylgja Óskari í Kópavoginn.

Fróðlegt verður að sjá hver mun stýra Gróttu í Pepsi Max-deildinni á næsta tímabili.

Hér að neðan má hlusta á viðtal við Óskar úr útvarpsþættinum Fótbolti.net síðasta laugardag.