Ísland vann Rúmeníu í kvöld og mætum við Ungverjalandi í úrslitum umspilsins fyrir EM. Ef við vinnum Ungverjaland í Búdapest í næsta mánuði þá förum við á þriðja stórmótið í röð.
Rúmenar, sem féllu úr leik á Laugardalsvelli, munu halda með okkur Íslendingum í næsta mánuði.
Það er vegna þess að það er gríðarlegur rígur á milli Ungverja og Rúmena. Þetta eru nágrannaþjóðir og þær kunna ekki vel við hvora aðra inn á fótboltavellinum, né utan fótboltavallarins.
Hægt er að lesa um ríginn á milli þjóðanna hérna.
Rúmenski fjölmiðlamaðurinn Alecs Stam óskaði Íslandi til hamingju með sigurinn á Twitter og bætti við að hann vonaðist til þess að við myndum vinna Ungverja.
„Til hamingju, sanngjarn sigur. Núna, ekki bregðast Rúmeníu og vinnið Ungverja fyrir okkur," skrifaði Stam á Twitter.
Will do! Multumesc si noapta buna :)
— Tryggvi Kristjánsson (@DrHahntastic) October 8, 2020
Athugasemdir