Þýskir, enskir og austurrískir fjölmiðlar greina frá því að RB Leipzig sé búið að leggja fram tilboð í norska ungstirnið Erling Braut Haaland.
Haaland hefur verið að gera frábæra hluti með RB Salzburg og er búinn að vekja athygli um allan heim, enda kominn með 7 mörk í 4 leikjum í Meistaradeild Evrópu og 12 mörk í 11 deildarleikjum.
Hann hefur verið orðaður við helstu stórlið Evrópu en Leipzig verður að teljast líklegur áfangastaður.
Leipzig og Salzburg eru mikið að skipta sín á milli enda bæði félög í eigu orkudrykkjarisans Red Bull.
Håland verður tvítugur næsta sumar og hefur spilað tvo A-landsleiki fyrir Noreg, báða á þessu ári. Hann gerði 11 mörk í 5 leikjum með U20 liðinu og 12 mörk í 12 leikjum með U18 og U19.
Athugasemdir