UEFA ákærir West Ham og Fiorentina

Bæði lið hafa verið ákærð þar sem stuðningsmenn beggja liða köstuðu allskonar aðskotahlutum út á völlinn, aðallega bjórglösum. Eitt slíkt fór í höfuðið á Cristiano Biraghi fyrirliða Fiorentina með þeim afleiðingum að hann fékk gat á höfuðið.

West Ham hefur einnig verið ákært þar sem stuðningsmenn liðsins hlupu inn á völlinn og Fiorentina ákært þar sem stuðningsmenn liðsins kveiktu í flugeldum.

UEFA staðfesti að mál hefur verið höfðað gegn liðunum og mun aganefnd UEFA taka ákvörðun um refsingu fljótlega.