Lima er 17 ára gamall og spilaði 25 leiki með Sport Recife á síðustu leiktíð.

Hann var mikilvægur hluti af U17 ára landsliði Brasilíu sem komst í 8-liða úrslit heimsmeistaramótsins í nóvember á síðasta ári.

Chelsea var í baráttu við Real Madrid um þennan efnilega bakvörð en Fabrizio Romano segir að enska félagið hafi unnið þá baráttu.

Félagið er að ganga frá viðræðum við Sport Recife og þegar farið að undirbúa næsta tímabil, en Lima verður sendur á lán til Strasbourg í Frakklandi.

Chelsea og Strasbourg eru bæði í eigu BlueCo-samsteypunnar.