Alexandre Lacazette, framherjir Arsenal, mun ganga til liðs við Atletico Madrid á 30 milljónir punda ef Pierre-Emerick Aubameyang nær samkomulagi um framlengingu á samningi sínum hjá Arsenal. Þessu greina breskir fjölmiðlar frá í dag.
Lacazette kom til Arsenal frá Lyon árið 2017 en hann hefur reglulega verið á bekknum frá því að Mikel Arteta tók við liðinu í desember síðastliðnum.
Flestir búast við því að Aubameyang skrifi undir nýjan samning hjá Arsenal sem gæti þýtt að hinn 29 ára gamli Lacazette gangi til liðs við Atletico Madrid á Spáni fyrir 30 milljónir punda samkvæmt Daily Star.
Lacazette var nálægt því að ganga til liðs við Atletico árið 2017 áður en hann gekk í raðir Arsenal. Lacazette er sagður ósáttur með það að Arteta sé að fara byggja upp Arsenal liðið í kringum Aubameyang og unga leikmenn með honum.
Willian hefur einnig verið orðaður grimmt við Arsenal undanfarið og það gæti spilað inn í að Lacazette hverfi á braut. Þrátt fyrir allt þá var Lacazette í byrjunarliði Arsenal þegar liðið vann enska bikarinn á dögunum.
Athugasemdir
