Norski framherjinn Erling Braut Haaland tók ekki langan tíma í að stimpla sig rækilega inn í enska boltann því hann skoraði tvö mörk strax í fyrsta leik sínum í deildinni.
Haaland kom til Manchester City frá Dortmund í sumar og skoraði bæði mörk ensku meistaranna gegn West Ham á sunnudag.
Haaland kom til Manchester City frá Dortmund í sumar og skoraði bæði mörk ensku meistaranna gegn West Ham á sunnudag.
Í viðtali við Sky Sports eftir leik gleymdi hann aðeins að hann væri í beinni útsendingu og blótaði. Á Englandi er mælt gegn því blótað sé í beinum útsendingum, sérstaklega ekki fyrir ákveðinn tíma á daginn.
„Ég hefði átt að skora eftir sendinguna frá Gundo rétt áður en ég fór út af. En **** svona er þetta," sagði Haaland aðspurður hvort hann hefði átt að setja þrennu í leiknum.
Spyrillinn minnti hann á að passa upp á orðbragðið og þá blótaði Haaland aftur, hló þegar hann fattaði það og baðst svo afsökunar. Hægt er að sjá viðtalið hér að neðan.
Athugasemdir
