Hannes fékk leiðbeiningar á vatnsflösku fyrir vítið

Damir Skomina dómari leiksins ákvað þá að skoða á VAR skjánum atvik sem átti sér stað í vítateignum og eftir að hafa staðið drykklanga stund við skjáinn ákvað hann að dæma vítaspyrnu.

Um leið og vítaspyrnan var dæmt hljóp Haukur Björnsson læknir íslenska liðsins með vatnsbrúsa til Hannesar Þórs Hallldórssonar markmanns íslenska liðsins.

Hannes var þegar með vatn við markið sitt en á nýja brúsanum voru skilaboð til Hannesar um hvar Alexandru Maxim vítaskytta Rúmena myndi skjóta.

Þetta gekk þó ekki alveg upp því Maxim skoraði úr vítinu en Ísland vann leikinn og spilar úrslitaleik við Ungverjaland í Búdapest 12. nóvember um hvort liðið fer á EM.

Myndir af þessu má sjá hér að neðan.