Viktor Gyökeres, sóknarmaður Sporting.
Hætta er á að ekkert verði af kaupum Arsenal á Viktor Gyökeres eftir að viðræður við Sporting Lissabon sigldu í strand. Portúgalskir fjölmiðlar segja að félögin hafi ekkert rætt saman síðustu þrjá daga.
Andrea Berta, yfirmaður íþróttamála hjá Arsenal, flaug út til Portúgals í þeirri von að koma heim með samning en talsvert bar á milli hjá félögunum og fór tómhentur í flugvélina.
Andrea Berta, yfirmaður íþróttamála hjá Arsenal, flaug út til Portúgals í þeirri von að koma heim með samning en talsvert bar á milli hjá félögunum og fór tómhentur í flugvélina.
Gyökeres hefur þegar gert munnlegt samkomulag við Arsenal um kaup og kjör en viðræður félagsins við Sporting eru komnar í hnút.
Gyökeres er sagður staðráðinn í að spila ekki aftur fyrir Sporting og fróðlegt að sjá hvernig málin þróast hjá sænska sóknarmanninum.
Athugasemdir
