Halldór Árnason.
Breiðablik mættu Val fyrr í kvöld í toppslag Bestu-deildarinnar. Blikar komust yfir snemma leiks, en Valsmenn sneru taflinu við í síðari hálfleik og unnu 2-1 sigur. Halldór Árnason, þjálfari Breiðabliks, mætti í viðtal eftir leik.
Lestu um leikinn: Valur 2 - 1 Breiðablik
„Gríðarlega svekkjandi, það verður að segjast alveg eins og er. Það verður ekki mikið meira svekkjandi en þetta."
Breiðablik var með yfirhöndina framan af leik.
„Yfirburðirnir voru stjarnfræðilegir í fyrri hálfleik og fannst mér þar til á svona 70. mínútu. Þá breyta þeir leiknum sínum og gera það ótrúlega vel. Þeir setja boltann á Frederik Schram, fara upp með alla og hamra upp."
„Sóknarleikurinn okkar var góður, en hann var bestur hjá okkur þegar við vorum að pressa. Við vorum að vinna boltann ofarlega og að komast í góðar stöður og þeir tóku fyrir það þegar þeir breyttu hjá sér."
Breiðablik lék síðastliðinn fimmtudag gegn Zrinjski Mostar úti í Bosníu. Liðið óskaði eftir frestun á leiknum hér í dag, en var neitað. Halldór var spurður um hvort þreytu hafi verið að ræða.
„Nei bara „in-swing" horn sem lenda inn í markinu. Leikurinn breytist hér undir lok leiks, þegar þeir fara í löngu boltana og innköstin. Fram að því fannst mér ég við miklu ferskari en þeir, bara hlupum yfir þá."
Viðtalið má sjá í heild sinni í spilaranum hér að ofan.
Athugasemdir
