Georginio Wijnaldum og Jurgen Klopp áttu góðan fund í gær að sögn Sky Sports.
Þeir funduðu um framtíð Wijnaldum hjá Liverpool. Hinn 29 ára gamli Wijnaldum er ofarlega á óskalista Ronald Koeman hjá Barcelona en hann á eitt ár eftir af samingi sínum við Liverpool.
Wijnaldum vill vera áfram í herbúðum Liverpool og vonast hann til að fundur hans og Klopp, stjóra liðsins, muni skila því að hann fái nýjan og góðan samning.
Thiago Alcantara, miðjumaður Bayern Munchen, hefur verið orðaður við Liverpool í allt sumar en þær sögur hafa ekki verið að heyrast mjög hátt síðustu daga. Það er þó nóg eftir af glugganum og margt sem getur gerst.
Enska úrvalsdeildin hefst á laugardag og mætir Liverpool nýliðum Leeds í fyrsta leik.
Athugasemdir
