Fjölnir tapaði 1-3 gegn Fjarðabyggð/Hetti/Leikni í úrslitakeppni 2. deildar kvenna í kvöld. Hlín Heiðarsdóttir fyrirliði liðsins var svekkt með úrslitin en sátt með að ná sæti í Lengjudeildinni á næstu leiktíð.
„Þetta er auðvitað svekkjandi en við erum samt sáttar með 2. sætið. Þetta var geggjaður leikur og forréttindi að fá að spila svona leik."
Liðið náði markmiðinu sínu sem var að komast í Lengjudeildina á næstu leiktíð.
„Það var markmiðið okkar. Við getum ekki verið ósáttar með það."
Hlín er gríðarlega ánægð með þjálfarateymið og telur að innkoma þeirra í liðið hafi skilað liðinu sæti í Lengjudeildinni.
„Við fengum geggjaða þjálfara, Þeir byggðu upp sjálfstraust og það virkaði. Ég held að það sé stór lykill í þessu"
Hlín er bjartsýn fyrir átökin í Lengjudeildinni.
„Við munum halda okkur í deildinni og vonandi fáum við styrkingu en við erum geggjað lið."
Athugasemdir