Inter 1 - 0 Torino
1-0 Marcelo Brozovic ('89 )
1-0 Marcelo Brozovic ('89 )
Marcelo Brozovic var hetja Inter er liðið vann Torino, 1-0, í Seríu A á Ítalíu í dag. Sigurmarkið kom undir lok leiksins en þetta var fjórði sigur Inter í deildinni.
Gestirnir í Torino voru betri aðilinn framan af og sköpuðu sér nóg af hættulegum færum. Nikola Vlasic fékk þrjú ágætis færi til að skora en Samir Handanovic átti stórleik í marki Inter.
Það var því grátlegt fyrir liðið að fá ekki einu sinni stig úr leiknum en eina mark leiksins kom á 89. mínútu. Nicolo Barella átti laglega vippu inn fyrir á Marcelo Brozovic sem skoraði af stuttu færi.
Fjórði sigur Inter í deildinni og er liðið nú með 12 stig í 3. sæti á meðan Torino er í 7. sæti með 10 stig.
Íslenska landsliðskonan Guðný Árnadóttir spilaði þá allan leikinn í 2-0 tapi Milan fyrir Roma. Þetta var annar leikur Milan á tímabílinu en liðið er enn án stiga.
Athugasemdir