Samstarfi Jesse Lingard, leikmanns Manchester United, og umboðsmannsins umdeilda, Mino Raiola, er lokið eftir einungis tíu mánaða samstarf. Þetta herma heimildir ESPN.
Raiola var í janúar að reyna koma sér inn á enskan markað og samdi við Jesse Lingard að sjá um hans mál. Raiola er reglulega gagnrýndur fyrir að hafa of mikil áhrif á leikmenn sína og þeirra ákvörðunartöku.
Raiola var í janúar að reyna koma sér inn á enskan markað og samdi við Jesse Lingard að sjá um hans mál. Raiola er reglulega gagnrýndur fyrir að hafa of mikil áhrif á leikmenn sína og þeirra ákvörðunartöku.
ESPN segir að nú munu fjölskyldumeðlimir Lingard sjá um hans mál. Ákvörðunin um að slíta samstarfi við Raiola er sögð hafa verið gerð í samþykki beggja aðila og er sagt að allt sé í góðu á milli Lingard og Raiola.
Samningur Lingard við United rennur út næsta sumar en United getur nýtt sér ákvæði í samningnum og framlengt samninginn um eitt ár. Ólíklegt er að United nýti sér það ákvæði.
Lingard hefur ekki leikið síðan í september þar sem hann hefur glímt við meiðsli á mjöðm. Þessi 27 ára miðjumaður var orðaður við Porto og Tottenham í sumar. Hann skoraði eitt mark í 40 leikjum á síðustu leiktíð.
Athugasemdir
