Heimild: Heimasíða Lyngby
Alfreð í landsleik á Laugardalsvelli.
Sóknarmaðurinn reynslumikli Alfreð Finnbogason verður í lykilhlutverki með íslenska landsliðinu sem hefur leik í undankeppni EM í Bosníu þann 23. mars.
Alfreð er kominn á gott skrið eftir meiðsli og skoraði sigurmark Íslendingaliðsins Lyngby gegn Bröndby á dögunum. Hann gekk í raðir danska úrvalsdeildarfélagsins fyrir ári síðan og gerði eins árs samning.
Alfreð er kominn á gott skrið eftir meiðsli og skoraði sigurmark Íslendingaliðsins Lyngby gegn Bröndby á dögunum. Hann gekk í raðir danska úrvalsdeildarfélagsins fyrir ári síðan og gerði eins árs samning.
„Þegar ég kom til félagsins hafði ég ekki átt almennilegt undirbúningstímabil, ég reyndi að koma mér í gott form á sama tíma og ég þurfti að standa mig. Það tókst en svo varð ég fyrir meiðslum og það var gríðarlega svekkjandi," segir Alfreð í viðtali á heimasíðu Lyngby.
„Ég hef sett mér ný markmið fyrir 2023 og þó ég telji mig geta bætt leik minn enn frekar er ég ánægður með það hvar ég er núna og hvernig mér og liðinu hefur gengið eftir áramót. Mér finnst ég á leið á mjög góðan stað og vonandi get ég haldið áfram að hjálpa liðinu."
Sigur sem gaf meira en þrjú stig
Þrátt fyrir sigurinn gegn Bröndby er staða Lyngby enn mjög erfið. Liðið er neðst og það er enn langur vegur upp í öruggt sæti.
„Sigurinn gegn Bröndby gaf okkur ekki bara þrjú stig heldur einnig þá trú að við getum unnið alla í þessari deild, ef við hittum á réttan dag. Þetta var öflug frammistaða frá öllu liðinu og fólkinu í kringum það. Við þurfum að sýna samskonar frammistöðu á morgun (gegn Midtjylland) ef við viljum taka sigur," segir Alfreð.
„Eitt af því sem við höfum lært er að við þurfum að skilja allt eftir á vellinum ef við ætlum að vinna."
Líklegt er að Alfreð leiði sóknarlínu Íslands í leiknum gegn Bosníu sem hann segir réttilega að sé afskaplega mikilvægur. Alfreð er 34 ára og hefur skorað 15 mörk í 63 landsleikjum fyrir Ísland.
Stöðutaflan
Danmörk
Danmörk - karlar
Danmörk
Danmörk - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | FCK | 17 | 9 | 6 | 2 | 32 | 19 | +13 | 33 |
| 2 | Midtjylland | 17 | 10 | 3 | 4 | 31 | 22 | +9 | 33 |
| 3 | Randers FC | 17 | 8 | 6 | 3 | 31 | 19 | +12 | 30 |
| 4 | AGF Aarhus | 17 | 7 | 7 | 3 | 30 | 17 | +13 | 28 |
| 5 | Brondby | 17 | 7 | 6 | 4 | 31 | 22 | +9 | 27 |
| 6 | Silkeborg | 17 | 6 | 8 | 3 | 29 | 23 | +6 | 26 |
| 7 | FC Nordsjaelland | 17 | 7 | 5 | 5 | 30 | 29 | +1 | 26 |
| 8 | Viborg | 17 | 5 | 6 | 6 | 29 | 27 | +2 | 21 |
| 9 | AaB Aalborg | 17 | 4 | 5 | 8 | 18 | 31 | -13 | 17 |
| 10 | Sonderjylland | 17 | 4 | 4 | 9 | 21 | 37 | -16 | 16 |
| 11 | Lyngby | 17 | 1 | 7 | 9 | 12 | 24 | -12 | 10 |
| 12 | Vejle | 17 | 1 | 3 | 13 | 16 | 40 | -24 | 6 |
Athugasemdir
