Man City 2 - 2 Crystal Palace (11:30 á morgun)
Ég ætlaði að setja 2-1 sigur á City en mundi þá að minn kæri vinur Maggi Bö er harðasti Palace maður landsins. Þess má geta að nýlega fjölgaði í fjölskyldu Magga og sendi ég þeim hamingjuóskir. Hörkuleikur í vændum. Í fjarveru Haaland mun minn maður og best gyrti maður evrópskrar knattspyrnu, Mateo Kovacic, setja allavega eitt með lúmsku skoti.

Brighton 3 - 0 Leicester (14:00 á morgun)
Eftir að hafa breytt þessari spá tvisvar er ég kominn á að þetta endi 3-0 fyrir Brighton. Mann langar að sýna Ruud meiri trú, manninum sem gaf manni ótal ljúfar æskuminningar. En því miður verða gestirnir innistæðulausir á Amex, Brighton kemst aftur á sigurbraut.

Nottingham Forest 2 - 0 Everton (14:00 á morgun)
Everton hefur að engu að keppa á meðan Forest er á fullu. Elanga setur allavega eitt. Jason Lee verður heiðursgestur.

Southampton 0 - 4 Aston Villa (14:00 á morgun)
Aston Villa fær útrás í sóknarleiknum eftir að hafa varist gegn PSG í 90 mínútur. Heyrst hefur að Unai Emery muni skrifa á samfélagsmiðla: "Veislan er að byrja", eins og tvífari sinn og höfðingi Fannar Freyr Guðmundsson úr Hafnarfirði. Marco Asensio verður einn af markaskorurum Villa og mætir sjóðandi heitur inn í seinni leikinn gegn hinu liðinu sínu.

Arsenal 2 - 1 Brentford (16:30 á morgun)
Þetta gæti orðið erfið fæðing hjá Arsenal en hefst að lokum. Eftir töfrandi Evrópukvöld gæti einbeitingin eitthvað vafist fyrir Skyttunum. Declan Rice kemur inn á og skorar úr þriðju aukaspyrnunni á ferlinum.

Chelsea 3 - 0 Ipswich (13:00 á sunnudag)
Sunnudagur á Stamford Bridge. Chelsea gerði góða ferð til Póllands og komst liðið aftur á sigurbraut. Cole Palmer finnur taktinn og hendir í þrennu.

Liverpool 3 - 0 West Ham (13:00 á sunnudag)
Salah fagnar nýjum samning með sigri. Í kortunum sér maður fljúgandi start hjá Liverpool, eftir svekkjandi tap gegn Fulham. Menn hafa haft viku til að gíra sig upp í þennan leik og allt bendir til þess að um einstefnu verði að ræða. Salah skorar tvö og Diaz skorar eftir sendingu frá Conor Bradley. Sóli Hólm og Katrín Jakobsdóttir fagna, í sitthvoru lagi.

Wolves 2 - 2 Tottenham (13:00 á sunnudag)
Markaveisla á Molineux. Liðin skiptast á að skora í þessum leik og Wolves jafnar á lokakafla leiksins. Ange Postecoglou mætir á blaðamannafund og segir orðið "mate" tólf sinnum.

Newcastle 1 - 2 Man Utd (15:30 á sunnudag)
Skjórarnir hafa verið á flugi, en því miður fyrir þá er Kobbie Mainoo mættur aftur. Hann blæs lífi í United og úr verður hörkuleikur. Tvennt sem telaufin segja manni: Leny Yoro skorar aftur og Onana kemst áfallalaust í gegnum leikinn (veit ekki hvort er líklegra samt). Sigurjón Jónsson, þekktasti Newcastle-maður landsins, verður því miður svekktur út daginn.

Bournemouth 2 - 1 Fulham (19:00 á mánudag)
Sóknarleikur í suðrinu, þetta verður skemmtilegur leikur á Fjörvangi. Mörk heimamanna verða amerísk, bæði Norður og Suður. Evanílson setur eitt brasilískt og Tyler Adams með eitt tollfrjálst mark, Made in the USA.

Fyrri spámenn:
Martin Hermanns (7 réttir)
Júlíus Mar (7 réttir)
Jói Ástvalds (7 réttir)
Jói Bjarna (6 réttir)
Danijel Djuric (6 réttir)
Hinrik Harðarson (6 réttir)
Arnór Gauti (6 réttir)
Kristján Atli (5 réttir)
Matti Villa (5 réttir)
Viktor Gísli (5 réttir)
Sérfræðingurinn (5 réttir)
Nablinn (5 réttir)
Arnór Smárason (5 réttir)
Hákon Arnar (5 réttir)
Ingimar Helgi (5 réttir)
Tómas Þór Þórðarson (5 réttir)
Kjartan Kári (4 réttir)
Davíð Atla (4 réttir)
Hjammi (4 réttir)
Viktor Karl (4 réttir)
Jón Kári (4 réttir)
Eysteinn Þorri (3 réttir)
Bjarki Már (3 réttir)
Elín Jóna (3 réttir)
Benoný Breki Andrésson (3 réttir)
Gísli Gottskálk Þórðarson (3 réttir)
Atli Þór (2 réttir)
Stubbur (2 réttir)
Benedikt Warén (2 réttir)

Hér fyrir neðan má sjá stigatöfluna í deildinni fyrir leikina sem eru framundan.