Fótbolti.net

Bestur í Mjólkurbikarnum: Vakinn með símhringingu - „Á Jölla mikið að þakka"

Sigdís Eva: Vissum að við gætum þetta og sýndum það í leiknum

Pétur: Það var ekkert lið inni á vellinum

John Andrews: Vorum að spila gegn líklega besta liði landsins

Kallaði þetta gott eftir fimm hnéaðgerðir og fær góð ráð frá pabba sínum

Þurfti að róa Pablo eftir leik - „Leikmenn eiga ekki að skipta sér af áhorfendum“

„Ef þetta heldur svona áfram verða bara allir í banni eftir smá stund"

Hefði sætt sig við jafntefli - „Ég held að við höfum reynt 5 eða 6 plön í þessum leik“

Alex Freyr ósáttur: Þetta er bara sorglegt

Eysteinn á von á geggjuðum leik - „Jölli er alltaf Jölli í Portúgal"

Arnór Smára: Hafði persónulega mikla þýðingu fyrir mig

Draumadráttur Jökuls: Augnablik á stóran hluta af mínu hjarta og mun alltaf gera

Kjartan Henry: Hallgrímur sá ekki til sólar eftir það

Var vítaspyrnudómurinn í Árbæ rangur?

Lék sinn fyrsta leik í efstu deild og vildi víti - „Fann fyrir snertingu og lét mig detta"

Líður eins og Valsarar hafi tapað leiknum - „Hafði aldrei trú á því að hann væri að fara skora"

Arnar Grétars: Gerði mikið fyrir okkur að vera með frábæran markmann

Svekktur yfir því að vinna ekki Val - „Mjög dapurt víti, svo við tölum hreint út“

Jón Þór: Bíð jafn spenntur og þú

Viktor Jóns: Get skorað mörk hvar sem er

lau 11. september 2021 19:58

Brynjar Ingi Erluson

Arnar Gunnlaugs: Menn skynja að það er eitthvað að gerast

Arnar Gunnlaugsson

Mynd: Fótbolti.net - Hafliði Breiðfjörð

Arnar Gunnlaugsson, þjálfari Víkings R., var sáttur með 3-0 sigur og hreint lak gegn HK í Pepsi Max-deild karla í kvöld en þetta þýðir að Víkingar eru komnir á toppinn.

Lestu um leikinn: Víkingur R. 3 - 0 HK

Erlingur Agnarsson skoraði tvö og Nikolaj Hansen eitt í sigrinum en Víkingur er nú með 42 stig í efsta sæti deildarinnar.

„Bara mjög vel. Þetta var tense leikur og við töluðum um það að skilja muninn á spennu og stressi."

„Stress kemur bara þegar þú ert illa undirbúinn andlega og líkamlega og mér fannst við mjög vel undirbúnir. Mér fannst leikmennirnir stjórna spennustiginu mjög vel. Við vorum með stjórn á leiknum í fyrri hálfleik en ekki með neina flugeldasýningu."

„Við vorum þolinmóðir og biðum eftir tækifærinu en ég var mjög óánægður með fyrstu mínúturnar í seinni hálfleik. Við vorum mjög sloppy og vorum að bíða eftir að HK, sem voru mjög kraftmiklir á þeim tímapunkti, að jafna leikinn, en svo kom mark Ella þvert gegn gangi leiksins og eftir það náðum við að róa okkur niður og ná betri tökum á leiknum."

Annað mark Víkinga kom upp úr engu en þá voru HK-ingar að setja pressu á heimamenn.

„Menn urðu rólegri og slaka á og ná betra control á leiknum. HK fór að opna sig meira og meira, það hentar okkur ágætlega þá gátum við breikað á þá. Við fengum eitt, tvö, þrjú færi til að bæta við en 3-0 og hreint lak er mjög ásættanlegt, sérstaklega þegar það er svona mikið undir."

Stuðningurinn úr stúkunni var magnaður og hefur verið í síðustu leikjum en Arnar segir að menn finni það á sér að það sé eitthvað að eiga sér stað í Víkinni.

„Hann var rosalegur. Þetta er bikarúrslitaleikurinn all over again, þeir hafa verið frábærir síðustu þrjá eða fjóra leiki. Menn skynja að það er eitthvað að gerast, það er bara gaman í Víkinni í dag og gaman fyrir alla umgjörð. Þeir eru búnir að vera geggjaðir."

Erlingur skoraði tvö mörk í leiknum. Hann hefur verið iðinn við kolann í síðustu leikjum en Arnar bendir á að hann hafi spilað jafnvel í allt sumar.

„Hann er búinn að spila í þessum leik jafnvel og í allt sumar en verandi framherji þá eru menn að tala um að hann er ekki búinn að skora nægilega mörg mörk. Nú er búinn að gera fjögur mörk í síðustu þremur eða fjórum leikjum og því eðlilega fær hann fyrirsagnirnar. Hann spilar alltaf jafnvel og gefur okkur alltaf mikla orku bæði í varnar- og sóknarleik en auðvitað líður honum alltaf betur að skora mörk," sagði hann enn fremur.