Faxaflóamótið: Stórsigur ÍA gegn Gróttu

ÍA tók á móti Gróttu í gær í Akraneshöllinni í Faxaflóamóti kvenna, þessi lið leika í B-riðli.

Heimakonur voru í miklu stuði og skorðu sex mörk í leiknum gegn engu marki Gróttu.

María Björk Ómarsdóttir og Sigrún Eva Sigurðardóttir sáu til þess að staðan var 2-0 í hálfleik.

Bryndís Rún Þórólfsdóttir bætti við þriðja markinu í upphafi seinni hálfleiks, næst var röðin komin að Evu Maríu Jónsdóttur en hún skoraði fjórða markið á 52. mínútu.

Erna Björt Elíasdóttir skoraði tvö mörk sem tryggðu þar með 6-0 sigur ÍA á Gróttu. Skagakonur byrja árið vel, þessi lið munu bæði leika í 1. deildinni í sumar.