Atli Sveinn Þórarinsson á hliðarlínunni í sumar.
„Ég, strákarnir og fólkið í stúkunnni sem var meiriháttar að fá aftur hefðum klárlega viljað taka öll þrjú stigin í kvöld, það er ekki nokkur spurning," sagði Atli Sveinn Þórarinsson þjálfari Fylkis eftir 1 - 1 jafntefli við KR í kvöld.
Lestu um leikinn: Fylkir 1 - 1 KR
„Mér fannst þetta mjög góður leikur, hasar og vel tekið á því og mikil læti. Mér fannst dómarinn dæma þetta vel og virkilega góður leikur."
„Þetta er gott veganesti áfram inn í mótið. Við vorum ekki sáttir við FH frammistöðuna fyrst, en töldum okkur spila allt í lagi á móti HK og hefðum líka viljað taka þrjú stig þar. Okkur fannst þetta góð frammistaða í kvöld en þetta snýst um að taka sigra og við viljum gera það."
Fylkir hefur fengið tvö stig úr þremur leikjum það sem af er mótinu. Er pirrandi hvað stigasöfnunin gengur hægt?
„Það er það en við hefðum meiri áhyggjur ef við værum að spila illa og ekki taka neitt af stigum, þetta er í rétta átt. Okkur líður þannig og þá er að halda áfram og vinna áfram í okkar hlutum inni á æfingasvæðinu."
Arnór Borg Guðjohnsen misnotaði vítaspyrnu í seinni hálfleiknum.
„Ég var mjög svekktur en samt fannst mér við vera þannig gíraðir að við myndum setja annað mark. Því missti ég ekki alla trú á lífinu, alls ekki því ég hélt að við myndum setja 2-1 markið hvort eð er en það gekk ekki."
Nánar er rætt við Atla Svein í sjónvarpinu að ofan. Þar ræðir hann róteringu á markvörðum liðsins, komu Arnars Sveins Geirsonar og fleira.
