Enski landsliðsvarnarmaðurinn John Stones tók þátt í æfingu enska landsliðsins að fullu í gær en hann meiddist á ökkla í tapinu gegn Íslandi á föstudag, eftir að Jón Dagur Þorsteinsson lenti á honum.
Gareth Southgate landsliðsþjálfari Englands fagnar endurkomu Stones en liðið býr sig undir að mæta Serbíu í sínum fyrsta leik á EM á sunnudaginn.
Allir 26 leikmenn enska hópsins gátu æft í gær. Miðvörðurinn Stones, sem spilar fyrir Manchester City, er sérstaklega mikilvægur fyrir enska landsliðið í ljósi þess að Harry Maguire getur ekki tekið þátt í mótinu vegna kálfameiðsla.
Stones fór meiddur af velli í hálfleik í leiknum á Wembley, sem Ísland vann 1-0 eins og frægt er.
Gareth Southgate landsliðsþjálfari Englands fagnar endurkomu Stones en liðið býr sig undir að mæta Serbíu í sínum fyrsta leik á EM á sunnudaginn.
Allir 26 leikmenn enska hópsins gátu æft í gær. Miðvörðurinn Stones, sem spilar fyrir Manchester City, er sérstaklega mikilvægur fyrir enska landsliðið í ljósi þess að Harry Maguire getur ekki tekið þátt í mótinu vegna kálfameiðsla.
Stones fór meiddur af velli í hálfleik í leiknum á Wembley, sem Ísland vann 1-0 eins og frægt er.
Nokkrir leikmenn enska liðsins hafa verið að glíma við meiðsli, þar á meðal Luke Shaw sem er eini náttúrulegi vinstri bakvörðurinn. Stefnan er sett á að hann geti tekið þátt í öðrum leik Englands á mótinu, leiknum gegn Danmörku þann 20. júni. Hann hefur verið á meiðslalistanum í fjóra mánuði.
Bukayo Saka var með á æfingunni í gær að fullu en hann er nýkominn úr nárameiðslum. Saka er lykilmaður í sóknarleik enska liðsins og er fyrsti kostur á hægri vænginn.
Athugasemdir