Gunnar Borgþórsson var mjög ánægður með sína menn þegar Selfyssingar unnu góðan sigur á Njarðvík 4-1 á JÁVERK-vellinum.

Selfyssingar eru með 11 stig eftir fyrri umferðina og segist Gunnar bjartsýnn á framhaldið. „Já ég er klárlega mjög bjartsýnn, við erum búnir að vera taka okkur í gegn og uppgötva gildin okkar uppá nýtt. Liðið er ótrúlega samheldið og gott. Undirbúningurinn fyrir leikinn var mjög góður."

Selfyssingar fá Fram í heimsókn í næstu viku og er Gunnar tilbúinn í þá áskorun. Hrovje Tokic verður kominn með leikheimild og hefur Gunnar verið ánægður með hann á æfingum. „Hann lítur mjög vel út. Hann hefur komið frábærlega inn í hópinn. Hjálpar okkur að auka gæði á æfingum." sagði Gunnar glaður í bragði.