Leikmannahópur og starfslið Víkings í Ólafsvík losnar úr sóttkví á miðnætti í kvöld. Hópurinn hefur verið í sóttkví í tvær vikur eftir að smit kom upp hjá einum aðila í leikmannahópnum.

Öll sýni sem tekin voru af mönnum reyndust neikvæð og Ólsarar geta því búið sig undir að hefja leik í Lengjudeildinni að nýju á laugardaginn þegar Þróttur kemur í heimsókn.

Þar sem Íslandsmótinu var frestað þá eru Ólsarar búnir með átta leiki í Lengjudeildinni eins og önnur lið. Þeir sitja í níunda sæti en Guðjón Þórðarson tók við stjórnartaumunum eftir sex umferðir.