Börsungar eru í miklum fjárhagsörðugleikum en vonast til þess að geta fengið Kessie á frjálsri sölu næsta sumar, samkvæmt frétt Mundo Deportivo.

Kessie má ræða og semja við annað félag frá og með janúar. Barcelona vill fá miðjumann en félaginu mistókst að landa Georginio Wijnaldum í síðasta glugga, hann fór í staðinn til PSG.

Stefano Pioli, stjóri AC Milan, hefur sagt að hann leggi mikla áherslu á að Kessie fari ekki.

„Auðvitað vona ég að Kessie skrifi undir. Viðræðurnar eru í höndum félagsins og umboðsmanns hans. Ég ræði bara við Kessie um það sem á sér stað innan vallar," segir Pioli.