Margrét Ingþórsdóttir mun spila með Fjölni í sumar
Margrét Ingþórsdóttir er gengin aftur í raðir Fjölnis frá Grindavík en þetta kemur fram í tilkynningu frá Fjölni.
Margrét er fædd árið 1989 og á langan feril að baki en hún spilaði sinn fyrsta deildarleik með Víði árið 2005.
Hún hefur spilað fyrir GRV, ÍA, Keflavík, Víking Ó, Fylki, Þrótt R, Fjölni og Grindavík á ferlinum.
Margrét spilaði með Fjölni árið 2018 og var valin knattspyrnukona ársins hjá félaginu það árið áður en gekk til liðs við Grindavík.
Markmaðurinn reyndi er nú komin aftur í Fjölni og mun spila með liðinu í 2. deildinni í sumar.
Athugasemdir
