13.07.21 - 19:22
Ívan Guðjón Baldursson
Víkingur Ó. fær argentínskan miðjumann (Staðfest)
Mynd: Víkingur Ó.
Mynd: Víkingur Ó.
Víkingur Ólafsvík er búið að tilkynna komu nýs leikmanns sem á að hjálpa liðinu í botnbaráttu Lengjudeildarinnar. Hann er frá Argentínu en hefur leikið í neðri deildum Spánar undanfarinn áratug.
Hann heitir Juan Jose Duco og er fjölhæfur miðjumaður sem getur einnig leikið í vörninni.
Juan er 27 ára gamall og var meðal annars liðsfélagi Jose Amat í neðri deildum spænska boltans, en Jose samdi einnig við Víking á dögunum.
„Duco er kominn til landsins og ætti að vera löglegur með liðinu gegn Aftureldingu á fimmtudag. Við bjóðum hann velkominn til Ólafsvíkur," segir í færslu á Facebook síðu Víkings.
„Einnig þökkum við umboðsmanni hans Alberto Larrea fyrir gott samstarf í ferlinu."
Víkingur er með tvö stig eftir ellefu umferðir og þarf heldur betur að rétta úr kútnum á seinni hluta tímabils. Liðið er sjö stigum frá öruggu sæti eftir hálft tímabil.
Juan er 27 ára gamall og var meðal annars liðsfélagi Jose Amat í neðri deildum spænska boltans, en Jose samdi einnig við Víking á dögunum.
„Duco er kominn til landsins og ætti að vera löglegur með liðinu gegn Aftureldingu á fimmtudag. Við bjóðum hann velkominn til Ólafsvíkur," segir í færslu á Facebook síðu Víkings.
„Einnig þökkum við umboðsmanni hans Alberto Larrea fyrir gott samstarf í ferlinu."
Víkingur er með tvö stig eftir ellefu umferðir og þarf heldur betur að rétta úr kútnum á seinni hluta tímabils. Liðið er sjö stigum frá öruggu sæti eftir hálft tímabil.
