Fótbolti.net

Alli Jói: Ekki gleyma að þær eru Íslandsmeistarar

Ian Jeffs: Fannst þetta ekki jafn fyrri hálfleikur

Jón Óli um meiðsli og litla breidd: „Það situr gríðarleg þreyta í leikmönnum“

Edith stefnir á A-landsliðið

Matti Guðmunds svekktur: Vantar betri ákvörðunartökur á síðasta þriðjungi

Ingibjörg Lúcía bjargaði stigi: Ekkert viss um að margir komi hérna og sæki stig

Gylfi: Ætla óska eftir því að Ingibjörg Lúcía fari að skora flottari mörk en þetta

Óskar Smári: Á endanum þegar þú bankar svona fast þá hljóta dyrnar að opnast

Anton Ingi svekktur þrátt fyrir fyrsta stigið

FH svaraði áfallinu með stórsigri: Þessi leikur var fyrir Kötlu

Davíð Smári: Það lítur ekki vel út fyrir Jóhann

Gunnar Heiðar: Helvíti langur tími fyrir fótboltaþjálfara

Jóhann Birnir svekktur: Mér fannst þetta ekki vera aukaspyrna

Fannst ekki ganga nógu vel að koma mönnum niður á jörðina eftir leikinn gegn FH

Brynjar Björn: Stór og sterkur og það er eitthvað sem vantaði

Venni: Æðislegt að hann taki þátt í þessu með okkur

Hallgrímur Mar: Loksins kominn í eitthvað stand

Hallgrímur Jónasar: Það býr meira í KA liðinu

Jói Kalli: Stuðningsmenn FH hafa allan rétt á sinni skoðun

Aron Sig: Væri högg fyrir hvert einasta lið

lau 13. júlí 2024 16:49

Stefán Marteinn Ólafsson

Gunnar Heiðar: Sýnum það í úrslitum og stigasöfnun að við erum að gera eitthvað rétt

Gunnar Heiðar Þorvaldsson þjálfari Njarðvíkinga

Mynd: Fótbolti.net - Hafliði Breiðfjörð

Njarðvíkingar heimsóttu Dalvík/Reyni á Dalvíkurvöllinn í dag þegar 12.umferð Lengjudeildarinnar hélt áfram göngu sinni.

Njarðvíkingar vonuðust til þess að komast aftur á sigurbraut gegn botnliði deildarinnar en urðu að láta sér stigið nægja.

Lestu um leikinn: Dalvík/Reynir 0 - 0 Njarðvík

„Svekkjandi. Virkilega. Mér fannst við gera nóg til þess að vinna hérna í dag. Það voru við sem vorum að skapa færin og voru við sem vorum að þrýsta á þá þó svo að vindurinn hafi svo hjálpað okkur í seinni hálfleik þá vorum við fannst mér betri í fyrri líka." Sagði Gunnar Heiðar Þorvaldsson þjálfari Njarðvíkur eftir leikinn í dag.

„Við töluðum um það í hálfleik að þetta gæti orðið þolinmæðisverk og mér fannst við gera eiginlega allt til þess að vinna þennan leik og það eina sem vantaði vara bara að setja boltann inn í markið. Sumir dagar eru svona og því miður var þessi dagur í dag fyrir okkur."

Eftir frábæra byrjun á mótinu hafa Njarðvíkingar aðeins sótt tvö stig úr síðustu fjórum leikjum sínum en Gunnari Heiðar finnst hans lið þó ekki vera að lenda á einhverjum vegg núna.

„Nei, mér finnst ekki. Það er auðvitað allt öðruvísi hrynjandi í þessu núna í ár heldur en í fyrra. Maður hefur ekkert unnið marga leiki í fyrra og auðvitað gerum við það hérna fyrri part móts og fyrir mér er þetta bara vinna. Þetta er bara vinna, vinna, vinna."

„Við erum að vinna í rétta átt finnst mér. Við sýnum það hérna á vellinum og sýnum það í úrslitum hjá okkur og stigasöfnun að við erum að gera eitthvað rétt en það þarf að halda áfram. Þetta er ekkert komið, við megum ekki halda að það sem að við erum búnir að gera haldist bara áfram sjálfkrafa. Við náðum í þetta og unnum fyrir þessu og það er eitthvað sem við þurfum að halda áfram að gera. Vinna fyrir þessu því ef við gerum það þá erum við mjög flottir og þá náum við líka í þessi stig sem að við þurfum."