Rúnar Páll Sigmundsson, þjálfari Stjörnunnar, var að vonum sáttur eftir 2-1 sigur sinna manna gegn KR í dag. KR leiddi leikinn 1-0 þegar að fimm mínútur voru eftir en þá skoruðu Stjörnumenn tvö mörk.

„Ég er hrikalega stoltur af okkur að koma svona til baka. Við höfum oft spilað betur. Við vorum seinir í fyrsta og annan bolta og héldum illa í hann. Svo gerum við skiptingar og það gekk vel upp og við skorum tvö frábær mörk." sagði Rúnar Páll eftir leikinn.

Lestu um leikinn: KR 1 -  2 Stjarnan

Guðjón Baldvinsson skoraði sigurmark Stjörnunnar í dag en hann byrjaði á bekknum í dag. Óli Valur lagði upp markið en hann kom einnig inn af bekknum.

„Það er frábært fyrir Guðjón að koma svona sterkur inn. Hann hefur því miður ekki komið eins sterkur inn þegar að hann hefur komið inná fyrr í sumar en hann breytti leiknum í dag."

Framundan hjá Stjörnunni er leikur gegn Val og þar á eftir gegn Breiðablik, en þessi lið gera öll athlögu að Íslandsmeistaratitilinum.

„Við hugsum bara um næsta leik sem er Valur heima sem að er verðugt verkefni. Við þurfum að eiga okkar besta leik til að sækja þrjú stig." sagði Rúnar Páll að lokum.

Nánar er rætt við Rúnar Pál í spilaranum að ofan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit