Þór/KA 0 - 1 Valur
0-1 Anna Rakel Pétursdóttir ('9 )
0-1 Jasmín Erla Ingadóttir ('90 , misnotað víti)
Lestu um leikinn
Valur er komið á toppinn í Bestu deild kvenna í bili að minnsta kosti eftir sigur á Þór/KA á Akureyri í kvöld.
Anna Rakel Pétursdóttir, sem er uppalin hjá KA, var hetja Valskvenna. Boltinn datt fyrir hana inn á teignum snemma leiks og hún negldi boltanum í netið.
Besta færi heimakvenna kom strax í upphafi seinni hálfleiks þegar Karen María Sigurgeirsdóttir átti gott skot fyrir utan vítateig en boltinn fór rétt yfir.
Á síðustu mínútu venjulegs leiktíma fékk Valur tækifæri til að gulltryggja sigurinn þegar vítaspyrna var dæmd. Jasmín Erla Ingadóttir steig á punktinn en skaut boltanum vel framhjá markinu.
Valur er á toppnum eins og staðan er en Breiðablik er að spila gegn Þrótti í þessum töluðu orðum og endurheimtir toppsætið með sigri.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 20 | 18 | 0 | 2 | 54 - 10 | +44 | 54 |
| 2. Valur | 20 | 17 | 2 | 1 | 50 - 17 | +33 | 53 |
| 3. Þór/KA | 20 | 10 | 3 | 7 | 41 - 29 | +12 | 33 |
| 4. Víkingur R. | 20 | 9 | 5 | 6 | 31 - 33 | -2 | 32 |
| 5. FH | 20 | 8 | 1 | 11 | 30 - 40 | -10 | 25 |
| 6. Þróttur R. | 20 | 7 | 3 | 10 | 25 - 32 | -7 | 24 |
