Eriksson gekk í raðir Chelsea árið 2017 og tók vð fyrirliðabandinu í fyrra. Með hana sem fyrirliða vann Chelsea bæði ensku úrvalsdeildina og enska deildabikarinn á síðustu leiktíð.

„Það skiptir mig öllu máli að vera hjá þessu félagi, ég vil hvergi annars staðar vera," sagði hin 27 ára gamla Eriksson við heimasíðu Chelsea.

Eriksson er liðsfélagi Maríu Þórisdóttur hjá Chelsea, en María á íslenskan föður og norska móður. Hún spilar með norska landsliðinu.