Senegal 0 - 0 Gínea
Í aðeins tveimur af fimmtán leikjum Afríkukeppninnar til þessa hefur verið skorað meira en eitt mark. Markaþurrðin hélt áfram í dag þegar Senegal og Gínea gerðu markalaust jafntefli.
Liðsfélagarnir hjá Liverpool; Sadio Mane hjá Senegal og Naby Keita hjá Gíneu, spiluðu báðir allan leikinn en Keita var valinn maður leiksins.
Bæði lið eru með fjögur stig eftir tvo leiki og eru í góðum málum í B-riðlinum, skrefi frá 16-liða úrslitunum. Í seinni hálfleik sást á spilamennskunni að bæði lið voru sátt með jafntefli.
Malaví og Simbabve mætast í hinum leik riðilsins klukkan 16 en þau eru stigalaus eftir tapleiki í fyrstu umferð.
Athugasemdir