Liverpool mætir Newcastle á Wembley
Það verður hægt að afskrifa Arsenal í titilbaráttunni tapi liðið stigum um helgina
Um helgina fer fram 29. umferð ensku úrvalsdeildarinnar og þá mætast Liverpool og Newcastle í úrslitum deildabikarsins á Wembley.
Liverpool hefur þegar spilað 29 leiki í deildinni og gefur þetta því Arsenal tækifæri á að saxa forystu liðsins niður í tólf stig.
Það má segja að Liverpool sé komið með níu fingur á titilinn, en á sunnudag gefst Arsenal síðasti séns til þess að reyna að koma bakdyramegin inn í baráttuna. Erfitt er að sjá Liverpool tapa niður forskotinu þar sem liðið hefur aðeins tapað einum leik á öllu tímabilinu en allt getur gerst á lokasprettinum og er ekkert sjálfgefið.
Arsenal mætir Chelsea á Emirates en heimamenn hafa ekki unnið í síðustu þremur leikjum á meðan nágrannar þeirra í Chelsea, sem berjast um að komast í Meistaradeildina, hafa unnið tvo leiki í röð.
Ruud van Nistelrooy snýr aftur á Old Trafford með nýliða Leicester en aðeins nokkrir mánuðir eru liðnir frá því hann stýrði United til bráðabirgða eftir brottrekstur Erik ten Hag.
United fann taktinn gegn Real Sociedad í Evrópudeildinni á fimmtudag og náði þá í stig gegn Arsenal í síðustu umferð. Getur liðið haldið áfram á sömu braut?
Tottenham heimsækir Fulham og þá mætast Englandsmeistarar Manchester City og öflugt lið Brighton.
Stórleikur helgarinnar er auðvitað leikur Liverpool og Newcastle í úrslitum enska deildabikarsins. Trent Alexander-Arnold, Conor Bradley og Joe Gomez verða ekki með Liverpool og þá vantar Lewis Hall, Sven Botman og Anthony Gordon í lið Newcastle.
Ekkert lið hefur unnið keppnina oftar en Liverpool eða tíu sinnum en Newcastle aldrei unnið hana. Newcastle hefur tvisvar komist í úrslit og nú síðast fyrir tveimur árum en þá tapaði það fyrir Manchester United.
Leikir helgarinnar:
Laugardagur:
15:00 Everton - West Ham
15:00 Ipswich Town - Nott. Forest
15:00 Man City - Brighton
15:00 Southampton - Wolves
17:30 Bournemouth - Brentford
Sunnudagur:
13:30 Arsenal - Chelsea
13:30 Fulham - Tottenham
19:00 Leicester - Man Utd
Úrslit deildabikarsins:
16:30 Liverpool - Newcastle
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 8 | 6 | 1 | 1 | 15 | 3 | +12 | 19 |
| 2 | Man City | 8 | 5 | 1 | 2 | 17 | 6 | +11 | 16 |
| 3 | Liverpool | 8 | 5 | 0 | 3 | 14 | 11 | +3 | 15 |
| 4 | Bournemouth | 8 | 4 | 3 | 1 | 14 | 11 | +3 | 15 |
| 5 | Chelsea | 8 | 4 | 2 | 2 | 16 | 9 | +7 | 14 |
| 6 | Tottenham | 8 | 4 | 2 | 2 | 14 | 7 | +7 | 14 |
| 7 | Sunderland | 8 | 4 | 2 | 2 | 9 | 6 | +3 | 14 |
| 8 | Crystal Palace | 8 | 3 | 4 | 1 | 12 | 8 | +4 | 13 |
| 9 | Man Utd | 8 | 4 | 1 | 3 | 11 | 12 | -1 | 13 |
| 10 | Brighton | 8 | 3 | 3 | 2 | 12 | 11 | +1 | 12 |
| 11 | Aston Villa | 8 | 3 | 3 | 2 | 8 | 8 | 0 | 12 |
| 12 | Everton | 8 | 3 | 2 | 3 | 9 | 9 | 0 | 11 |
| 13 | Brentford | 8 | 3 | 1 | 4 | 11 | 12 | -1 | 10 |
| 14 | Newcastle | 8 | 2 | 3 | 3 | 7 | 7 | 0 | 9 |
| 15 | Fulham | 8 | 2 | 2 | 4 | 8 | 12 | -4 | 8 |
| 16 | Leeds | 8 | 2 | 2 | 4 | 7 | 13 | -6 | 8 |
| 17 | Burnley | 8 | 2 | 1 | 5 | 9 | 15 | -6 | 7 |
| 18 | Nott. Forest | 8 | 1 | 2 | 5 | 5 | 15 | -10 | 5 |
| 19 | West Ham | 8 | 1 | 1 | 6 | 6 | 18 | -12 | 4 |
| 20 | Wolves | 8 | 0 | 2 | 6 | 5 | 16 | -11 | 2 |
Athugasemdir
