Framtíð Gary Martin hefur verið mikið í umræðunni eftir að Ólafur Jóhannesson þjálfari Vals sagðist vilja losna við leikmanninn.
Ólafur telur Gary ekki henta fyrir leikstíl Vals og sagði hann í viðtali við 433.is í morgun að hann væri búinn að segja Gary að finna sér nýtt félag.
Íþróttafréttirnar á RÚV fjölluðu um málið fyrr í kvöld og hafði Haukur Harðarson íþróttafréttamaður nýjar upplýsingar.
„Í samtali við Gary Martin núna rétt áðan sagði hann að hann væri ekki á förum frá Val. Hann var á fundi og æfingu með Valsmönnum núna síðdegis og samkvæmt þeim fréttum er hann ekki að fara neitt," sagði Haukur.
Íslenski félagsskiptaglugginn lokar á miðvikudaginn.
Athugasemdir
