Tíu leikmenn sem gætu yfirgefið Man Utd í sumar

David De Gea - Dean Henderson virðist vera orðinn markvörður númer eitt og úrsltialeikurinn gegn Villarreal í Evrópudeildinni gæti orðið síðasti leikur Spánverjans í marki United.

Paul Pogba - Sífellt orðaður við brottför frá United. Real Madrid og endurkoma til Juventus eru mest í umræðunni.

Brandon Williams - Er ekki framarlega á blaði og þessi uppaldi ungi bakvörður gæti leitað annað eftir meiri spiltíma.

Juan Mata - Hlutverk Spánverjans geðþekka á Old Trafford hefur minnkað. Verður samningslaus í sumar og erfitt að sjá að hann verði áfram.

Nemanja Matic - Vinsæll hjá félaginu en hans bestu dagar eru klárlega að baki. Gæti mögulega endurnýjað kynni sín af Mourinho og farið til Roma.

Jesse Lingard - Þegar kominn hálfa leið út um dyrnar en hann hefur blómstrað á lánssamningi hjá West Ham.

Diogo Dalot - Náði ekki að vinna sig inn í myndina hjá Ole Gunnar Solskjær og hefur verið á láni hjá AC Milan.

Andreas Pereira - Hefur verið á lánssamningi hjá Lazio og talað um að hann hafi áhuga á að ganga alfarið í raðir ítalska félagsins.

Sergio Romero - Argentínski markvörðurinn hefur spilað vel fyrir United þegar hann hefur verið notaður en er samt kominn enn aftar í goggunarröðinni. Mourinho er sagður vilja fá hann til Roma.

Lee Grant - Annar markvörður sem hefur verið algjör varaskeifa og aðeins spilað tvo leiki á þremur árum hjá félaginu.