Spænski miðjumaðurinn Rodri er farinn af velli í liði Spánverja gegn Englendingum í úrslitaleik Evrópumótsins.
Lestu um leikinn: Spánn 2 - 1 England
Rodri, sem hefur verið einhver allra besti miðjumaður heims síðustu ár, var að glíma við meiðsli í fyrri hálfleiknum og var aðeins tímaspursmál hvenær hann færi af velli.
„Einn besti leikmaður liðsins, og einn besti leikmaður heims í sinni stöðu, þarf að fara af velli. Var haltrandi í lok fyrri hálfleiksins,“ sagði Elvar Geir í lýsingu sinni hér á Fótbolti.net.
Martin Zubimendi kom inn fyrir hann í hálfleik og til þessa virðist þetta ekki hafa haft mikil áhrif á leik Spánverja sem hafa verið stórkostlegir í byrjun síðari hálfleiks.
Nico Williams kom Spánverjum yfir og þá hafa þeir Dani Olmo, Williams og Morata verið líklegir til að bæta við öðru.
Athugasemdir
