Eftir markalaust jafntefli í Istanbúl varð ljóst að Ísland er á leið í umspil um sæti á EM í mars á næsta ári. Íslenska liðið náði ekki að skora gegn öflugri vörn Tyrklands í kvöld.
Hér má sjá einkunnir íslenska liðsins úr leiknum.
Hér má sjá einkunnir íslenska liðsins úr leiknum.
Hannes Þór Halldórsson 7
Öruggur í öllu sem hann gerði. Tyrkjum gekk brösuglega að ná almennilegum skotum en Hannes varði allt sem á markið kom.
Guðlaugur Victor Pálsson 7
Var með virkilega gott öryggi í hægri bakverðinum. Staða sem hann vonandi mun bara eflast í. Fékk verulega gott færi í uppbótartímanum.
Ragnar Sigurðsson 7
Raggi stóð fyrir sínu í hjarta varnarinnar.
Kári Árnason 8 - Maður leiksins
Alvanur því að vera hrikalega öflugur gegn Tyrkjum.
Ari Freyr Skúlason 6
Byrjaði í smá brasi en vann sig svo betur inn í þetta.
Birkir Bjarnason 7
Gleymdi sér aðeins þegar Tyrkir fengu dauðafæri í fyrri hálfleik en átti að öðru leyti góðan leik.
Gylfi Þór Sigurðsson 6
Fyrirliði á tveggja manna miðju og maður gerir alltaf miklar kröfur á okkar besta fótboltamann, fannst hann geta gert betur.
Arnór Ingvi Traustason 6
Átti rosalega tæklingu í seinni hálfleiknum þegar Tyrkir voru að geysast fram í hættulegri skyndisókn. Fór af velli á 63. mínútu en hann hafði orðið fyrir meiðslum.
Jón Daði Böðvarsson 5
Hefur oft fundið sig betur gegn Tyrkjum. Það vantaði hjá okkur að gera meira sóknarlega.
Alfreð Finnbogason 6
Fór meiddur af velli á 24. mínútu.
Kolbeinn Sigþórsson 7
Létt finna fyrir sér og átti nokkra öfluga spretti en fékk ekki nægilega góða hjálp.
Varamenn:
Arnór Sigurðsson 5
Kom inn vegna meiðsla Alfreðs á 24. mínútu en náði ekki að setja mark sitt á sóknarleikinn.
Hörður Björgvin Magnússon 7
Kom inn til að bæta við ógn í föstum leikatriðum og með löngum innköstum. Kom öflugur inn og átti stórhættulegan skalla sem var bjargaður á línu.
Mikael Anderson
Spilaði of stutt til að fá einkunni.
Athugasemdir