Lucas Torreira lék með ítalska félaginu Fiorentina í vetur. Þar var hann á láni frá Arsenal og vildi ítalska félagið kaupa Torreira í vor og leikmaðurinn var sjálfur tilbúinn að vera áfram á Ítalíu.
Fiorentina bauð í Torreira en ekki þær 15 milljónir evra sem Arsenal setti í lánssamninginn sem mögulegt kaupákvæði. Arsenal neitaði tilboði Fiorentina og mun hann ekki fara þangað í sumar.
Fiorentina bauð í Torreira en ekki þær 15 milljónir evra sem Arsenal setti í lánssamninginn sem mögulegt kaupákvæði. Arsenal neitaði tilboði Fiorentina og mun hann ekki fara þangað í sumar.
Torreira á eitt ár eftir af samningi sínum við Arsenal en ólíklegt þykir að Mikel Arteta, stjóri Arsenal, finni hlutverk fyrir hann í liði sínu. Það er sennilegast að leikmaðurinn óski eftir því að fá að fara annað á láni.
Torreira er úrúgvæskur miðjumaður sem gekk í raðir Arsenal frá Sampdoria sumarið 2018.
Athugasemdir
