Luis Enrique, landsliðsþjálfari Spánar, vildi ekki kenna markverðinum David de Gea um óvænt tap Spánverja gegn Úkraínu í Þjóðadeildinni á þriðjudag.
Viktor Tsygankov skoraði eina mark leiksins í seinni hálfleik, en Spánverjar voru 72 prósent með boltann í leiknum og áttu 21 marktilraun. Það var hins vegar Úkraína sem tók sigurinn.
De Gea var gagnrýndur fyrir markið en Enrique vill ekki að neinn kenni honum um það.
„Að kenna De Gea um er nú þegar slæmur ávani. Ef David er kennt um svona leik, slökkvið þá og við förum. Ef liðið verst og heldur leiknum í 0-0, þá vaxa þeir í leik sínum og einu sinni refsuðu þeir okkur. Við verðum að óska þeim til hamingju."
De Gea var fyrir nokkrum árum í umræðunni um besta markvörð í heimi, en hann er það svo sannarlega ekki lengur. Hann hefur líka verið mikið gagnrýndur fyrir frammistöðu sína hjá Manchester United.
Shock on the cards 👀
— Sky Sports Football (@SkyFootball) October 13, 2020
Tsygankov beats a stranded De Gea from the edge of the box to put Ukraine ahead v Spain!
📺 Watch the #NationsLeague clash live on Sky Sports Football red button pic.twitter.com/dW2cqWXEQs
Athugasemdir