Sadio Mane, leikmaður Liverpool á Englandi, skoraði 100. mark sitt á Englandi í gær er hann tryggði liðinu 1-0 sigur á Norwich City í ensku úrvalsdeildinni.
Mane, sem er 27 ára gamall, kom til Southampton frá RB Salzburg árið 2014 en á tíma hans hjá liðinu gerði hann 25 mörk á tveimur tímabilum.
Hann var seldur til Liverpool árið 2016 en síðan hann fór til félagsins hefur hann gert 75 mörk og er því kominn með 100 mörk í heildina.
Mane er í 30. sæti yfir markahæstu menn Liverpool frá upphafi og aðeins einu marki á eftir Roberto Firmino.
Mohamed Salah er í 18. sæti með 89 mörk og er efstur af þeim leikmönnum sem spila með liðinu í dag.
Athugasemdir