Xavi Simons var á sínum stað í byrjunarliði Hollands í fyrstu umferð Evrópumótsins gegn Póllandi.
Það eru mörg stórlið víða um Evrópu sem hafa sett sig í samband við Frakklandsmeistara Paris Saint-Germain vegna ungstirnisins Xavi Simons.
Simons virðist ekki eiga sæti í liði PSG á næstu leiktíð og vill franska stórveldið lána hann út.
Simons átti frábært tímabil á láni hjá Leipzig á síðustu leiktíð en hann er aðeins 21 árs gamall og mikilvægur partur af hollenska landsliðinu.
L'Equipe í Frakklandi greinir frá því að Englandsmeistarar Manchester City eru meðal félaga sem hafa sett sig í samband við PSG vegna áhuga á Simons. Manchester United og Arsenal eru einnig nefnd til sögunnar, en hingað til var vitað af áhuga frá RB Leipzig og FC Bayern.
PSG er ekki talið hafa áhuga á að selja Simons, sem á þrjú ár eftir af samningi sínum við félagið.
Athugasemdir
